Stefna skólans
Trommuskóli Gunnars Waage er fyrsti tónlistarskóli landsins með sérstaka trommusettsbraut. Hér er horfið frá hinni klassísku slagverksnámsskrá og kennt eftir nýrri námskrá fyrir trommusett. Markmið okkar er að vera leiðandi á okkar sviði og útskrifa frá skólanum eingöngu afburða trommusettsleikara.
Um okkur
Trommuskólinn hefur á undanförnum árum verið leiðandi á sínu sviði. Raunar hafa sumir af bestu trommuleikurum landsins verið nemendur hér og ber íslenskt tónlistarlíf þess merki í dag.
Samstarf við aðra skóla
Trommuskóli Gunnars Waage hefur átt gott samstarf við Tónlistarskóla Kópavogs og McnallySmith College of Music í Minnesota í Bandaríkjunum.
Undirbúningsdeild
Undirbúningsdeild er sótt af nemendum á öllum aldri, byrjendum jafnt sem lengra komnum. Í Undirbúningsdeild er kennt samkvæmt stigakerfi til 7. stigsprófs sem fullnægir kröfum aðalnámskrár Menntamálaráðuneytis. Kennt er samkvæmt íslenskri námshefð en námskrá er sérsniðin fyrir trommusett. Nám í undirbúningsdeild er almennt metið til eininga í fjölbrautar/menntaskólum.
Nám á háskólastigi
T r o m m u s e t t - o g - H l j ó ð h ö n n u n / F o r n á m
Námið er tekið á einum vetri og nýtist vel sem sjálfstæður áfangi (Professional Certificate) en einnig sem góður undirbúningur fyrir frekara nám við sértæka tónlistarskóla og/eða tónlistarháskóla. Námið tekur mið af stefnu stjórnvalda í menntamálum um aukið aðgengi að menntun og aukna fjölbreytni í námsframboði. Tónsmíðar og raftónlist eru stór þáttur í náminu.
T r o m m u s e t t - o g - H l j ó ð h ö n n u n / A r t i s t - D i p l o m a
er 60 eininga nám á háskólastigi í alhliðatrommusettsleik. Tónsmíðar og raftónlist eru stór þáttur í náminu. Námið er tekið á tveimur vetrum.
Námsmat
Nám í undirbúningsdeild er almennt metið til eininga í fjölbrautar/menntaskólum. Mat á Diplomanámi frá Trommuskólanum er hliðstætt einleikaranámi almennt hér á landi.
Trommuskóli Gunnars Waage s:554-7212 og 865-5890 e-mail info@trommuskolinn.com Athugið að ekki er leyfilegt að taka gögn svo sem texta, myndir, mp3 skrár eða önnur gögn af vef skólans til birtingar annars staðar.